Bakıda Gender Bərabərliyi və Sosial Ədalətə Həsr Olunmuş Konfrans Başlayıb

Bakıda Əmək və Əhalinin Sosial Müdafiəsi Nazirliyi və Beynəlxalq Əmək Təşkilatının birgə təşkilatçılığı ilə “Azərbaycanda sosial ədalət və gender bərabərliyinə nail olma yolları” mövzusunda konfrans keçirilir.



Tədbirdə hökumət, qeyri-hökumət və beynəlxalq təşkilatların nümayəndələri iştirak edir. Nazir müavini Vüsal Nəsirli qadınların əmək bazarında iştirakının artdığını, qanunvericilikdə mühüm dəyişikliklər edildiyini bildirib.



Əmək Məcəlləsində ailə və məsafədən işləmə ilə bağlı yeni hüquqların tanındığı vurğulanıb. Konfransda BMT və digər qurumların nümayəndələri çıxış ediblər. İki gün davam edəcək tədbirdə gender bərabərliyi ilə bağlı müxtəlif mövzularda panel müzakirələr keçiriləcək.



✍"Ulusum".az