Kamran Əliyev yenidən baş prokuror təyin edildi

Prezident İlham Əliyev Kamran Əliyevin yenidən Azərbaycan Respublikasının Baş prokuroru vəzifəsinə təyin edilməsi ilə bağlı Sərəncam imzalayıb.

Qeyd edək ki, “Prokurorluq haqqında qanun”un 16-cı maddəsinə əsasən, Baş prokurorun səlahiyyət müddəti 5 ildir və Kamran Əliyev 1 may 2020-ci ildə bu vəzifəyə təyin edilib.

Konstitusiyaya uyğun olaraq, Prezidentin təqdimatına əsasən, Milli Məclis Baş prokurorunun vəzifəyə təyin və vəzifədən azad edilməsinə razılıq verir. Bu gün Milli Məclisin iclasında Kamran Əliyevin Baş prokuror təyin olunmasına razılıq verilib.

✍️"Ulusum".az