ADNSU-da Qazaxıstanlı magistrlərlə görüş keçirildi 🤝

Azərbaycan Dövlət Neft və Sənaye Universitetində (ADNSU) beynəlxalq elmi əməkdaşlıq çərçivəsində mühüm görüş baş tutub.

ADNSU-nun rektoru, dosent Rüfət Əzizov universitetdə elmi-tədqiqat təcrübəsi keçən Qazaxıstanın Satbayev adına Milli Elmi-Tədqiqat Universitetinin magistr tələbələri ilə görüşüb. Görüş zamanı R.Əzizov iki universitet arasında mövcud olan sıx dostluq və əməkdaşlıq münasibətlərinə toxunub və bu əlaqələrin davamlı inkişafının önəmini vurğulayıb. O, həmçinin tələbələrin elmi-tədqiqat prosesində iştirakının onların peşəkar inkişafı üçün əhəmiyyətli olacağına ümid etdiyini bildirib.

Qonaq tələbələr isə ADNSU-da yaradılmış şəraitə və səmimi münasibətə görə təşəkkürlərini bildirərək, həm Bakı şəhəri, həm də universitet haqqında yüksək təəssüratlarla ayrıldıqlarını qeyd ediblər.

Görüş xatirə hədiyyəsinin təqdimatı və xatirə şəkli ilə yekunlaşıb.

Qeyd edək ki, bu əməkdaşlıq çərçivəsində Satbayev Universitetinin 19 magistr tələbəsi aprelin 21-dən mayın 5-dək ADNSU-da təcrübə keçəcək. Təcrübə dövründə onlar elmi-tədqiqat fəaliyyətlərinə cəlb olunacaq, laboratoriyalarda araşdırmalar aparacaq və tədris prosesində fəal iştirak edəcəklər.

✍️ "Ulusum".az