Ərdoğan: Suriyanın yeni dövrü başlayır

Türkiyə Prezidenti Rəcəb Tayyib Ərdoğan, Suriyanın keçid dövrü üzrə müvəqqəti prezidenti Əhməd Əş-Şəraanın Ankaraya səfərinin tarixi əhəmiyyət daşıdığını və ikitərəfli münasibətlərdə yeni bir dövrün başlanğıcını simvolizə etdiyini bəyan edib.

“Ulusum”.az xəbər verir ki, Ərdoğan mətbuat konfransında bildirib ki, görüş Suriyanın ərazi bütövlüyü prinsipi nəzərə alınmaqla keçirilib.

"Bugünkü səfəri tarixi bir addım və ölkələrimiz arasında davamlı dostluq və əməkdaşlıq dövrünün başlanğıcı kimi qiymətləndirirəm. Son iki ay ərzində bütün institutlarımız və təşkilatlarımız münasibətləri strateji səviyyəyə qaytarmaq üçün ciddi çalışıblar," — deyə Türkiyə lideri vurğulayıb.

Bu inkişaf Türkiyə və Suriya arasında gərgin münasibətlərin normallaşması üçün mühüm addım hesab edilir.

Səidə