Sezen Aksu 50 illik sənət yolunu yeni “Paşa Gönül Şarkıları” ilə qeyd etdi

Sezen Aksu sənət həyatının 50-ci il dönümünü yeni albümü “Paşa Gönül Şarkıları” ilə qeyd edir. Albom 27 iyun 2025-ci il tarixindən etibarən rəqəmsal platformalarda yayımlanıb.

Bu albomda həm Sezen Aksunun yeni bəstələri, həm də əvvəllər müxtəlif ifaçılar tərəfindən səsləndirilmiş mahnıların Sezen Aksunun öz səsindən təqdimatı yer alır və musiqisevərlər tərəfindən böyük maraqla qarşılanıb.

12 mahnıdan ibarət albomda həm yenilər, həm tanış səslər

“Paşa Gönül Şarkıları”nda 12 mahnı yer alır. Albomdakı parçalar arasında:

Sen Ağla

Ey Aşk

Bana Sor

Bahçe kimi mahnılar sosial mediada tez-tez müzakirə olunan mövzulara çevrilib.

Xüsusilə “Sen Ağla” mahnısı dinləyicilərdə nostalji hissi oyadıb. 1984-cü ildə yayımlanmış və hələ də Sezen Aksunun ən tanınmış əsərlərindən biri sayılan “Sen Ağlama” ilə mövzu bağını davam etdirən bu yeni versiya daha əvvəl Sıla tərəfindən də ifa olunmuşdu.

Albom yalnız yeni mahnılardan ibarət deyil. Əvvəllər müxtəlif ifaçılar tərəfindən səsləndirilmiş bəzi mahnılar da Sezen Aksunun orijinal şərhləri ilə yenidən canlandırılıb:

Nanik – Daha əvvəl Gülben Ergen tərəfindən ifa edilmiş, Şinanay nakaratı ilə diqqət çəkir.

Şuh Nefes – Cenk Eren repertuarından tanınan bir parça.

Abanoz’daki Emine – İlk dəfə Levent Yüksel ilə səsləndirilmişdir.

Bu mahnılar vasitəsilə Sezen Aksunun illərlə formalaşan musiqi irsi öz səsi ilə dinləyici qarşısına çıxır.

“Geçer”dən “Gemiler”ə: illərarası duyğusal körpü

Sezen Aksunun 1988-ci ilin klassik mahnısı “Geçer”dəki “Geçer, geçer, daha öncekiler gibi bu da geçer…” misraları, yeni albomdakı “Gemiler” mahnısında “Karalar bağladım o da geçti, ağlamadım yağdım bu da geçti, geçiyormuş meğer geçiyormuş” sözləri ilə daxili bir davamlılıq yaradır. Bu isə sənətçinin yaradıcılığında lirika və emosional dərinliyin davamlı olduğunu bir daha göstərir.

Sonuncu dəfə səhnəyə 2016-cı ildə çıxmışdı

Sezen Aksu səhnəyə ən son 2016-cı ildə çıxmışdı. Aradan keçən 9 ildən sonra yayımlanan bu albom həm musiqi fəaliyyətinə qayıdış, həm də yarım əsrlik sənət yolunun yekunu kimi qiymətləndirilir.

Ulusum.az