Türkiyənin yeni səfiri Azərbaycana gəlib

Türkiyənin Azərbaycana təyin olunan yeni səfiri Birol Akgün Bakıya gəlib.

“Ulusum”.az xəbər verir ki, bu barədə Türkiyənin Azərbaycandakı səfirliyindən məlumat verilib.

Qeyd edək ki, yanvarın 10-da Prezident Rəcəb Tayyib Ərdoğanın qərarına əsasən, Birol Akgün Türkiyənin Azərbaycandakı fövqəladə və səlahiyyətli səfiri təyin edilib.

Bundan əvvəl Türkiyənin Azərbaycandakı səfiri vəzifəsini Cahit Bağçı icra edib. Diplomatın dekabrın 14-də fəaliyyət müddəti başa çatıb.