Kəsmiyin Faydaları

Kəsmik, tərkibində zəngin mineral və vitaminlərlə orqanizm üçün çox faydalı qida məhsuludur. Əsas xüsusiyyətləri belədir:

Ulusum.az immunitet.az-a istinadən bildirir ki, kəsmiyin tərkibinin heç bir toxuma, hüceyrə quruluşu yoxdur və bu da onu balıq, ət və quş kimi heyvan qidalarının zülal mənbələrindən fərqləndirir. Kəsmik "dənəcikləri" orqanizmdə asanlıqla sovrulur və demək olarki tamamilə həzm olunur.

- Sümük sağlamlığı: Kəsmik kalsiumla zəngindir və sümüklərin inkişafı və möhkəmlənməsində mühüm rol oynayır.
- Dəriyə təsiri: Mütəmadi istifadə dərini təravətli saxlayır.
- Zülal və amin turşuları: Kəsmikdə olan zülal və amin turşuları orqanizmin toxumalarının böyüməsi, bərpası və qaraciyər sağlamlığı üçün vacibdir.
- Vitamin və minerallar: A, E, F, B2, B6, B12 vitaminləri ilə yanaşı fol turşusu, dəmir, maqnezium, sink, fosfor, natrium və flüor kimi mikroelementlərlə zəngindir.
- Metabolizm və immunitet: B qrupu vitaminləri metabolizmin normal işləməsini təmin edir, immuniteti gücləndirir, stresi azaldır və ürək-damar sisteminə müsbət təsir göstərir.
- Yaxşı həzm olunur: Kəsmik “dənəcikləri” orqanizmdə asanlıqla sovrulur və demək olar ki, tam həzm olunur.
- Xolesterol səviyyəsinin azaldılması: Kəsmik xolesterol səviyyəsini aşağı salmağa kömək edir.
- Qaraciyər üçün faydalı: Qaraciyərdə yağlanmanın qarşısını alır, xüsusilə toksinlərə və dərmanlara məruz qalan orqanizm üçün faydalıdır.
- Yaş qruplarına uyğunluq: Körpələrdən tutmuş yaşlılara qədər istifadə edilə bilər. Körpələrə 5-7 aydan sonra verilməsi məsləhətdir.

- Pəhrizdə rolu: Qaraciyər xəstəlikləri, ateroskleroz və hipertoniya zamanı tövsiyə olunur.

Gündəlik tövsiyə edilən miqdar: Qadınlar üçün 200 qram, kişilər üçün 250 qram, körpələr üçün 30 qramdır.

Kəsmik həm sağlam, həm də asan həzm olunan zülal mənbəyi olaraq, müxtəlif yaş qruplarının sağlamlığı üçün vacibdir.


R.Daşdəmirova