Dabaq xəstəliyi: Heyvanlar üçün təhlükə, insanlar üçün risk varmı?

Dabaq, əsasən cütdırnaqlı heyvanlarda müşahidə olunan, virus mənşəli və yüksək yoluxuculuq qabiliyyətinə malik infeksion xəstəlikdir.

Bu xəstəlik ağız boşluğunda, yelində və dırnaqlarda yaranan aftalı zədələnmələrlə xarakterizə olunur.

Kənd Təsərrüfatı Nazirliyinin Heyvandarlığın təşkili və monitorinqi şöbəsinin müdiri Bayandur Rzayev ulusum.az-a xəbər verir ki, xəstəliyin 7 tipi və 60-dan artıq alt tipi mövcuddur.

2023-cü ildən bəri profilaktik tədbirlərin gücləndirilməsi məqsədilə peyvənd proqramına 4-cü tip də əlavə olunub.

Rzayev bildirib ki, dabaq xəstəliyinin insanlara çiy heyvan mənşəli məhsullardan keçməsi nəzəri baxımdan mümkün olsa da, Azərbaycanda bu risk faktiki olaraq yoxdur.