Gəncədə ödənişsiz loqopedik və psixoloji konsultasiya keçiriləcək

Ulusum.az-ın bölgə müxbiri məlumatına əsasən, "8 noyabr - Zəfər günü" ilə bağlı keçiriləcək tibbi tədbirdən yaşından asılı olmayaraq hər kəs yararlana bilər. Psixoloji və loqopedik yoxlanışlardan keçib zəka testləri işləniləcək və pasiyentlərə xüsusi proqramlar tərtib ediləcək.

Müayinələr və konsultasiyalar aşağıdakı diaqnozlara aid olan şəxsləri əhatə edir:

- Kəkələmə;
- Psixi və nitq inkişaf ləngiməsi;
- Autizm;
- Daun sindromu;
- Dislaliya;
- Serebral iflic və digər oxşar hallar.

Pulsuz müayinələr oktyabrın 25-dən noyabrın 8-dək keçiriləcək. Əlavə məlumat və qeydiyyat üçün (055) 676 65 65 nömrəsi ilə əlaqə saxlamaq mümkündür.

R.D