Tükənmişlik sindromu - sadəcə yorğunluq deyil

Bu, iş qabiliyyətimizi azaldan, pozitiv düşünməyə mane olan, gündəlik fəaliyyətimizi ləngidən ciddi bir xəbərdaredici siqnaldır.

Ən əsası isə, bu simptom hormonal pozğunluqların əlaməti də ola bilər.

Əgər bu halı vaxtında tanıyıb tədbir görsəniz, orqanizminiz öz təbii ritminə qayıda bilər.

Tükənmişliyin arxasında çox zaman:

* Qalxanabənzər vəzin pozğunluğu
* Qanda şəkər dalğalanmaları
* D vitamini və dəmir çatışmazlığı
* Qidalanma pozuntuları dayanır.

Ona görə sadəcə “yorğunam” deməklə kifayətlənməyin. Yanaşı simptomlara fikir verin və müvafiq analizləri vaxtında etdirin.

Vaxtında qoyulmuş diaqnoz

* həyat keyfiyyətini artırır,
* iş produktivliyini yüksəldir,
* yaradıcılığı stimullaşdırır.

Səhərlər yuxudan tam ayıq, enerjili və pozitiv oyanmaq — mümkündür!

Dr. Xəlilova ulusum.az-a öz tövsiyələrini verərək bildirir ki, tükənmişlik sindromunu görməzdən gəlmək, bədəndə baş qaldıran problemi susdurmaqdır.
Orqanizminizi dinləyin. Özünüzə zaman ayırın. Vaxtında müayinə olun ki, həyat keyfiyyətinizə zamanında sahib çıxasınız.



R.Daşdəmirova