Uşaqlarda böyümə ağrıları necə olur?

Valideynlərin bildirdiyinə görə, bu ağrılar adətən axşamüstü və ya gecə yatarkən, hər iki ayaqda, xüsusilə dizlərin altında və baldırlarda hiss olunur.

Masaj və ya isti kompres tətbiq edildikdə ağrılar yüngülləşə bilir, bu da böyümə ağrılarının tipik əlamətlərindəndir.

Uzm. Dr. Rövşanə Həsənzadə ulusum.az-a açıqlamasında bildirib ki, bu ağrıları digər xəstəliklərdən fərqləndirmək üçün bəzi meyarlar diqqətlə izlənilməlidir. Əgər:

- Ağrılar tək tərəfli olursa,
- Uşaq topallayırsa və ya axsayırsa,
- Ayaqda şiş, qızartı, hərəkət məhdudluğu varsa,
- Gündüz saatlarında da davam edən ağrılar müşahidə edilirsə,
mütləq həkim müayinəsi və əlavə müayinə metodları ilə digər xəstəliklər (infeksiya, revmatizm, sümük xəstəlikləri) istisna edilməlidir.

Fiziki müayinədə patologiya aşkarlanmazsa və yuxarıdakı hallar yoxdursa, bu ağrılar zərərsiz böyümə ağrıları hesab olunur və narahatlığa əsas yoxdur.



Uzm. Dr. Rövşanə Həsənzadə / ulusum.az