Nəcisdə qan bağırsaq xərçəngi riski

Koloproktoloq Sondra Kavalukas nəcisdə qan görülməsinin bağırsaq (kolorektal) xərçəngi riskini 8,5 dəfə artırdığını bildirib. “Daily Mirror”a danışan həkim qeyd edib ki, bu simptom istənilən yaşda ciddi qəbul edilməlidir.

Onun sözlərinə görə, təkcə anal nahiyədə ağrı şikayəti kolonoskopiya üçün əsas sayılmaya bilər, amma nəcisdə qan varsa, mütləq araşdırılmalıdır:

“Qan görünürsə, bu, kolorektal xərçəngin güclü göstəricisi ola bilər. Hər dəfə xərçəng demək olmasa da, səbəbi dəqiq müəyyənləşdirmək üçün kolonoskopiya vacibdir”.

Mütəxəssis gənc pasiyentlərə bu müayinənin nadir hallarda təyin edilməsini yanlış yanaşma adlandırıb və simptomlara laqeyd qalmağın ağır nəticələrə yol aça biləcəyini vurğulayıb.

R.Daşdəmirova