Onkoginekoloq Uşaqlıq və Yumurtalıq Xərçəngindən Xəbərdar Edir Qadın Sağlamlığı Təhlükədə

Cərrah-onkoginekoloq Dr. Samirə Səfərova Ulusum.az-a açıqlamasında qeyd edir ki, qadın cinsiyyət sistemi orqanlarının onkopatologiyalarına adətən aşağıdakı nahiyələr daxil edilir:

Xarici cinsiyyət dodaqları, vulva, aralıq nahiyəsi, uşaqlıq yolu, uşaqlıq boynu, uşaqlığın cismi və yumurtalıqlar. Bu orqanların hər biri fərqli struktur və funksiyaya malik olduğu üçün, həmin nahiyələrdə yaranan xəstəliklər də klinik gedişat, simptomlar və diaqnostik yanaşmalara görə bir-birindən fərqlənir.

Bu sahə çox geniş bir mövzu olmaqla yanaşı, müxtəlif orqan və toxuma lokalizasiyalarına bağlı patologiyaları əhatə edir.

Ən çox rast gəlinən hallara gəldikdə isə, uşaqlıq və uşaqlıq boynu xərçəngi və bu nahiyələrdə baş verən xərçəngönü dəyişikliklər xüsusi yer tutur.

Dr. Səfərova vurğulayır ki, bu patologiyaların vaxtında aşkarlanması və düzgün müayinə-müalicəsi qadın sağlamlığının qorunmasında mühüm rol oynayır.

R.Daşdəmirova
Ulusum.az