Şirəli qarpızın pərdəarxası hekayəsi: fayda və fəsad - FOTO

Qarpız — yayın ən sevimli simvollarından biridir: parlaq, şirəli və sərinləşdirici. Üstəlik, indi ən təhlükəsiz vaxtıdır, çünki tərkibində nitrat yoxdur. Amma şirin ləzzətinin arxasında təkcə dad yox, həm də sağlamlıq üçün faydalı xüsusiyyətlər gizlənib. Qarpız bol su, mineral və antioksidantla zəngindir, ürəyi, böyrəkləri və maddələr mübadiləsini dəstəkləyir. Lakin faydasını maksimum almaq üçün onu düzgün yemək vacibdir. Nütrisioloq Elina Korolyova bununla bağlı məsləhətlər verib.

🚫 Həddindən artıq yeməyin

Qarpızın 90%-i sudan ibarətdir və “zərərsiz” görünsə də, çox yeyildikdə böyrəkləri yükləyir və şəkərin qalxmasına səbəb ola bilər.
👉 Böyüklər üçün optimal porsiya — 300–400 qramdır. Bu qədər kifayət edir ki, həm vitaminlərlə təmin olunasınız, həm də sərinləyəsiniz. Həddindən artıq yemək isə qarında köp və halsızlıq yarada bilər.

⏰ Ən yaxşı vaxt – günün birinci yarısı

Qarpız təbii şəkərlərlə zəngindir və onu səhər və günorta yemək daha faydalıdır. Axşam isə həzmi çətinləşdirə, hətta sidikqovucu təsiri səbəbilə yuxunu poza bilər. Axşam şirin istəyi olanda bir neçə dilim kifayətdir.

🥗 Necə yemək olar?



Qarpız ayrıca qida kimi yeyildikdə daha yaxşı mənimsənilir. Ağır ət və ya süd məhsullarından sonra yemək isə qıcqırma və narahatlıq yarada bilər. Ən yaxşısı — acqarına təmiz porsiyadır.

💚 Kimlər üçün xüsusilə faydalıdır?

Qarpız kalium, maqnezium və damarlarla dərini qoruyan antioksidant — likopinlə zəngindir. Ona görə də:

yüksək təzyiqi olanlar üçün,

idmançılar üçün (məşqdən sonra mineral balansını bərpa edir),

ödemdən əziyyət çəkənlər üçün xüsusilə faydalıdır.
Hamilə qadınlar da mülayim miqdarda yeyə bilər — qəbizlik və ödemin qarşısını almağa kömək edir.

🍉 Seçim və saxlanma qaydaları

Qurumuş quyruqlu, döyəndə “zınq” edən qarpız seçin.

Kəsilmiş qarpızı soyuducuda bir gündən artıq saxlamayın — həm vitaminlərini itirir, həm də bakteriya yarana bilər.

Qışa saxlamaq istəyirsinizsə, qarpız dilimlərini dondurub smuzidə istifadə edə bilərsiniz.

⚡ Düzgün seçim və saxlanma qarpızı həm dadlı, həm də təhlükəsiz edir.



Ulusum.az