Kök hüceyrə embrionu uşaqlığa yerləşdirilməyəcək - Yaponiyada

Kyodo News-un xəbərinə görə, hökumətə bağlı bioetika şurası tərəfindən hazırlanan hesabatda kök hüceyrə mənşəli sperm və ya yumurtalardan əldə edilən embrionların mövcud qanuni məhdudiyyətlərə uyğun olaraq laborator şəraitdə maksimum 14 gün inkişaf etdirilməsinin zəruri olduğu qeyd olunub.

Hesabatda bu embrionların yalnız elmi araşdırmalara töhfə vermək məqsədilə yaradılacağı vurğulanıb və insan və ya heyvan uşaqlığına yerləşdirilməməli olduqları xüsusi olaraq qeyd edilib.

Sənəddə qeyd olunur ki, araşdırmanın məqsədi, induksiya olunmuş pluripotent kök hüceyrələrdən (iPS) və ya embrionik kök hüceyrələrdən (ES) əldə olunan yumurta və sperm hüceyrələrinin normal şəkildə fəaliyyət göstərib-göstərmədiyini müəyyən etməkdir.

Ulusum.az