"Hər ürəyi olan uça bilməz" – həkimdən sərnişinlərə XƏBƏRDARLIQ

NEWS.ru saytına açıqlamasında terapevt Yelena Pavlova bildirib ki, ürək-damar xəstəliklərindən əziyyət çəkən şəxslərə təyyarə ilə səyahət etmək qətiyyən tövsiyə olunmur. Səbəb — uçuş zamanı təzyiqin kəskin dəyişməsi və havadakı oksigen çatışmazlığıdır. Bu amillər xroniki xəstəlikləri olan sərnişinlərin vəziyyətini daha da ağırlaşdıra bilər.

🔻 Xüsusilə risk qrupuna aiddirlər:

Yaxın keçmişdə infarkt keçirmiş şəxslər

Ürək çatışmazlığı olanlar

Yüksək və nəzarətsiz təzyiqi olanlar

Ayaqlarda trombozdan əziyyət çəkənlər

Ağır şəkərli diabet xəstələri

Ağciyər xəstəlikləri ilə yaşayanlar

👩‍⚕️ Pavlova vurğulayıb ki, sinə və qarın boşluğunda yeni keçirilmiş əməliyyatlardan sonra uçuşlar bir neçə həftəlik yasaq olmalıdır. Eyni zamanda pnevmoniya, pnevmotoraks, dərin damar trombozları və ayaq şişləri də uçuşlar üçün ciddi əks göstərişlərdir.

🦠 İnfeksion xəstəliklər zamanı, məsələn, qrip, COVID-19 və suçiçəyi hallarında da təyyarəyə minmək olmaz — bu, digər sərnişinlər üçün yoluxma riski yaradır.

🤰 Hamilə qadınlara isə yalnız qadın məsləhətxanasından arayışla uçuşlara icazə verilir.

Ulusum.az