Sümükləriniz və oynaqlarınız artıq sizə xəbərdarlıq edirsə...

Yaş artdıqca oynaqlar özünü tez-tez xatırladır: səhərlər sərtlik, pilləkən düşərkən “çıt” səsləri, gəzintidən sonra dartılma və ağırlıq hissi. Həkimlər adətən iltihabəleyhinə dərmanlar və fizioterapiya məsləhət görsə də, bədəninizi daha dərindən dinləyən və klinik olaraq təsdiqlənmiş 7 əlavə üsul da var. Bu metodları fitnes məşqçisi Natailya Romanova tövsiyə edir:

1️⃣ Səhər yuxudan duran kimi – duş

5 dəqiqəlik isti su (38–40°C) ilə duş almaq bədəni “oyadır”, qan dövranını və limfanı aktivləşdirir. Bu, oynaqlarda təbii “yağlama mayesi” olan sinovial mayenin ifrazını artırır. Diqqət: çox isti su əks təsir göstərə bilər!

2️⃣ Hər 2 saatdan bir yüngül hərəkət

Böyük idman əvəzinə, gündəlik kiçik hərəkətlər daha effektiv ola bilər. Məsələn, hər 2 saatdan bir durun, çiyinləri, biləkləri, ayaq biləklərini yüngülcə fırladın. Bu, maye durğunluğunun qarşısını alır və gün sonu sərtliyi azaldır.

3️⃣ Soyuducu maqnezium rolleri ilə masaj

Gəzintidən sonra maqnezium və nanə tərkibli roller istifadə edin. Həm soyuqluqla şişi azaldır, həm də əzələləri boşaldaraq oynaq üzərinə düşən təzyiqi yüngülləşdirir.

4️⃣ Axşam yeməyində omeqa-3 və zərdəçal



Yuxudan əvvəl yüksək karbohidratlı yeməklər əvəzinə, zəngin omeqa-3 (məsələn, buxarda bişmiş qızılbalıq), avokado və zərdəçal qəbul edin. Bu kombinasiyanın iltihabəleyhinə təsiri klinik olaraq sübut olunub.

5️⃣ Yatmazdan əvvəl “ayaqlar divarda” pozası

Ayaqları 90 dərəcə bucaqla divara dirəyin və 5–7 dəqiqə belə qalın. Qan və maye aşağı ətraflardan çəkilir, şişlər azalır, oynaqlar rahatlanır. Gecə topuq və diz ağrılarınız yüngülləşəcək.

6️⃣ Müntəzəm, lakin yumşaq hərəkət

Əzələləri qorumağın yolu hərəkətdir. Yumşaq oynaq gimnastikası, yavaş yoga və dartınma hərəkətləri sinovial mayeni aktivləşdirir, qığırdaq toxumasını qidalandırır. Qısası: “İstifadə et – yoxsa itir!”

7️⃣ Düz dabanlı ayaqqabıya keçid

Ayaqqabının dabanı bədənin təbii biomexanikasını pozur. “Zero drop” – yəni dabanla barmaq ucu eyni hündürlükdə olan ayaqqabılar diz və ombaya düşən yükü düzgün paylayır. Tədricən uyğunlaşmaq üçün əvvəlcə qısa məsafələrlə başlayın.

➕ Bonus: Kvadrat nəfəs texnikası ilə stressi azaldın

Stress oynaqlarda ağrını artırır. 4 saniyəlik nəfəs al – 4 saniyə saxla – 4 saniyə nəfəs ver – 4 saniyə saxla texnikasını tətbiq edin. Cəmi 5 dəqiqə sonra kortizol azalır, mikroqan dövranı yaxşılaşır, iltihab riski azalır.

Ulusum.az