Çili bibəri arıqlamağa kömək edir, amma hər kəsə olmaz

NEWS.ru-ya danışan dietoloq, tibb elmləri doktoru Yelena Xoxlova bildirib ki, çili bibəri tərkibindəki kapsaisin maddəsi sayəsində qidanın mənimsənilməsini yaxşılaşdırır, kalorilərin yandırılmasını sürətləndirir və maddələr mübadiləsini aktivləşdirir.

Onun sözlərinə görə, kapsaisin — acı bibərin aktiv maddəsidir və unikal xüsusiyyətlərə malikdir. Kapsaisinin orta miqdarda qəbulu həzm sistemini dəstəkləyir və orqanizmin enerji sərfini artırır.

💊 Bundan əlavə, bu maddə bəzi dərmanlarda, xüsusən də əzələ və oynaq ağrılarını yüngülləşdirən kremlərdə istifadə olunur. Kapsaisin həm də mikroblara qarşı təsirə malikdir.

⚠️ Amma diqqətli olmaq şərtdir!

Həkimin sözlərinə görə, acı bibər mədə-bağırsaq xəstəliklərindən əziyyət çəkən şəxslərə əks göstərişdir – məsələn, qastrit, mədə və bağırsaq xorası olanlara. Çünki kapsaisin selikli qişanı qıcıqlandırır, iltihabı və ağrını artırır.

💡 Nəticə: Acı bibər sağlam insanlar üçün faydalı ola bilər, amma düzgün və ölçülü şəkildə istifadə olunmalıdır. Xəstəlik hallarında isə mütləq həkim məsləhəti vacibdir!

Ulusum.az