"Popkorn Beyni" Sindromundan Necə Qurtulaq?

“Popkorn beyni” deyilən və idrak pozuntuları ilə nəticələnə biləcək vəziyyətdən qorunmaq üçün sosial şəbəkələrə çıxışı məhdudlaşdırmaq lazımdır. Bu barədə “Krasnodar” telekanalına psixoloq İrina Babkina bildirib. Onun sözlərinə görə, məsələn, tətbiqlərə giriş üçün avtomatik qadağa funksiyasını aktivləşdirmək olar.

“Unutmamalıyıq ki, real dünya bizə inkişaf və zövq almaq üçün virtual məkandan qat-qat çox imkanlar təqdim edir. Kiçik addımlarla başlayın və müsbət dəyişiklikləri mütləq hiss edəcəksiniz”, – deyə Babkina qeyd edib.

“Popkorn beyni”nin qarşısını almaq üçün o, yaxınlarla canlı ünsiyyəti, yaradıcılıqla məşğul olmağı və təbiətdə vaxt keçirməyi tövsiyə edib. Psixoloq bildirib ki, bütün bunlar insanın özü və ətraf aləmlə əlaqəsini bərpa etməsinə kömək edəcək.

Ulusum.az