Nutrisioloqun fikrinə görə, iltihab əleyhinə daim yeyilməli olan 5 məhsul

Daha çox enerji, oynaqlarda az ağrı və sağlam çəkinin qorunması — bu məhsulların istifadəsinin yalnız bir neçə üstünlüyüdür.

İltihab (zədə və ya xəstəliklərə cavab olaraq bədəndə yaranan qoruyucu reaksiya) qısa müddətdə faydalı olsa da, xroniki (uzunmüddətli) iltihab bir çox xəstəliyin əsas səbəblərindən biri sayılır. Məsələn, artrit, ürək-damar xəstəlikləri, 2-ci tip şəkərli diabet və hətta bəzi xərçəng növləri. Xoşbəxtlikdən, düzgün qidalanma ilə iltihab proseslərini nəzarətdə saxlamaq mümkündür.

İltihab əleyhinə xüsusilə faydalı olan 5 məhsul:



Yağlı balıqlar (losos, skumbriya, sardina)

Omega-3 yağ turşuları ilə zəngindir. Bu maddələr bədəndəki iltihab reaksiyalarını azaldır, oynaqların sağlamlığını qoruyur və ürək üçün faydalıdır.

Zeytun yağı (xüsusilə sızma zeytun yağı)

Güclü antioksidant olan oleokantal adlı maddə ehtiva edir. Bu maddə təbii “iltihab dərmanı” sayılır.

Tərəvəzlər və yaşıl yarpaqlı göyərtilər (ispanaq, brokoli, kələm və s.)



Antioksidantlar, C vitamini və flavonoidlər sayəsində bədəndə zərərli sərbəst radikalların qarşısını alır və immuniteti gücləndirir.

Giləmeyvələr (çiyələk, böyürtkən, yabanı qaragilə)



Antosiyanin adlı güclü antiinflamatuar maddələr ehtiva edir. Beyin sağlamlığını da dəstəkləyir.

Zəncəfil və sarımsaq

Bu iki təbii məhsul həm antibakterial, həm də iltihab əleyhinə təsiri ilə tanınır. Müntəzəm istifadəsi immun sistemini gücləndirir və xroniki xəstəliklərin riskini azaldır.

Bu məhsulları gündəlik rasiona əlavə etmək yalnız iltihabı azaltmaqla kifayətlənmir — həm də ümumi sağlamlığı dəstəkləyir, bədəndə enerji səviyyəsini artırır və daha aktiv həyat tərzinə töhfə verir.

✍️"Ulusum".az