Rahat yuxu üçün nə içməli? Uzmanlar məsləhət verir

Kakao və bitki çayları sinir sistemini sakitləşdirir və stressi azaldır — bu barədə "Moskva 24"ə danışan nutricioloq Yevgeni Arzamasçev bildirib. Onun sözlərinə görə, kakao içkisində maqnezium və kalsium mövcuddur.

"Maqnezium və kalsium sinir impulslarının ötürülməsində iştirak edir və sinir sistemində tormozlayıcı təsir göstərir, onu həddindən artıq həyəcanlanmadan qoruyur," — deyə Arzamasçev vurğulayıb.

Həkim həmçinin qeyd edib ki, melissa, nanə və çobanyastığı tərkibli bitki çayları efir yağları və üzvi turşularla zəngindir və sakitləşdirici təsirə malikdir. Belə içkilər rahat yuxuya getməyə kömək edir və orqanizmin bərpasını sürətləndirir.

✍️"Ulusum".az