Limonlu su hər kəsə düşmür: səhər içmək təhlükəli ola bilər

Bəzi insanlar üçün səhər limonlu su içmək xoşagəlməz simptomlara səbəb ola bilər — məsələn, mədə xorası olanlarda ağrını artıra bilər. Bu barədə “Gazeta.ru”ya “Bud Zdorov” Tibb Mərkəzinin qastroenteroloqu Aleksandra Kovalyova məlumat verib.

Onun sözlərinə görə, sağlam insan üçün az miqdarda limonlu və ya zəncəfilli su təhlükəli deyil, çünki limon suyu mədə şirəsindən daha zəif turşudur və bu səbəbdən ciddi ziyan vermir. Amma bəzi istisnalar var.



Qastroenteroloq limonlu su içərkən riskləri azaltmaq üçün onun az turşulu olmasını (bir stəkan suya yarım limondan artıq olmamaqla), isti formada içilməsini və kiçik qurtumlarla qəbul edilməsini tövsiyə edib.



Xüsusilə, qastroezofageal reflüks xəstəliyi olanlar turş içkilər qəbul etdikdə yanğı və mədə qıcqırması hiss edə bilər. Mədə selikli qişasında eroziya və xora olan şəxslər isə limon suyu içdikdə qarın ağrılarında artım hiss edə bilər. Bundan başqa, mədə motorikası zəif olan insanlar — şəkərli diabeti olanlar, semaglutidlə müalicə alanlar və yaşlı şəxslər — səhər acqarına çox miqdarda su içdikdə ürəkbulanma, qusma və ağırlıq kimi hallar yaşaya bilərlər.

✍️"Ulusum".az