Ürək çatışmazlığının gizli əlamətləri

Dodaqların və barmaq uclarının göyərməsi, dərinin solğunluğu və ayaqlarda ödem – bütün bunlar ürək çatışmazlığının əlamətləri ola bilər.

Bu barədə kardioloq İvan Yefremkin Lenta.ru-ya açıqlamasında bildirib.

Mütəxəssisin sözlərinə görə, ürəkdəki problemləri ilk növbədə təngnəfəslik və dözümlülüyün azalması ilə müəyyən etmək olar.

Daha ciddi hallarda isə bu əlamətlərə çəkinin kəskin azalması, akrosianoz (əllər və ayaqlarda göyümtül rəng), eləcə də orqanizmdə maye toplanması əlavə olunur. Bu isə bədən çəkisinin hər gün artması ilə nəticələnir.

Həkim əlavə edib ki, ürək çatışmazlığı olan insanlarda hətta adi fiziki fəaliyyət belə ciddi yorğunluq və təngnəfəslik yarada bilər.