"Ozempic" effekti verən üç təbii məhsul: Tox tutur

Ozempic populyarlaşmamışdan əvvəl bir çoxları çəki itkisində effektli olan sadə qidalara güvənirdi. İndi isə, bu preparatın yan təsirləri nəzərə alındıqda, həmin təbii üsulları yenidən xatırlamağın zamanı çatıb, yazır Marie Claire.

Axı arıqlamaq üçün nə boşboğazca qarabaşaqla yaşamaq, nə də tanımadığınız dərmanlara əl atmaq vacibdir. Bədən sadəcə kalori çatışmazlığı şəraitində artıq çəkini itirməyə başlayır. Əgər bu rejimdə müəyyən məhsullara üstünlük versəniz, nəticəni tezliklə görəcəksiniz. Budur, həmin faydalı məhsulların qısa siyahısı – sadə, əlçatan və sübut olunmuş təsirlə.

1. Avokado — Uzunmüddətli Toxluğun Yaşıl Sirri



Pinterest-də populyar olan avokadolu tostlar sadəcə göz oxşayan görüntü üçün deyil. Avokado orta zəncirli triqliseridlər, Omeqa-3 və Omeqa-9 yağları ilə zəngindir — bunlar ürək-damar sağlamlığını qoruyur və uzun müddət toxluq hissi yaradaraq arıqlamağa kömək edir. 2022-ci il araşdırmalarına görə, gündə bir avokado bel nahiyəsində yağların əriməsinə səbəb ola bilər.

2. Giləmeyvələr — Şirin və Faydalı Antioksidant Qaynağı



Çiyələk, böyürtkən, moruq kimi giləmeyvələr antioksidantlar və liflə zəngindir. 2018-ci ildə aparılan tədqiqat göstərir ki, gündə 600 qram böyürtkən istehlakı insulinə həssaslığı artırır, bu da II tip şəkərli diabetin qarşısını almağa və artıq çəkini azaltmağa kömək edir. Yunan yoqurtu ilə qarışdırılmış giləmeyvə qarışığı həm ləzzətli, həm də pəhriz üçün idealdır.

3. Çia Toxumu — Mədədə Şişərək Aclığı Unudurur



Çia toxumları yüksək lif tərkibi (35% gündəlik normadan) ilə mədədə şişərək doyma hissi yaradır və artıq yeməyə mane olur. Eyni zamanda kalsium, maqnezium və antioksidantlarla zəngindir. Çia toxumunu az yağlı süd və ya isti su ilə qarışdırıb bir neçə saat saxlayın, sonra isə üzərinə banan, manqo və ya üzüm əlavə edin — həm dadlı, həm də kalori azlığı ilə seçilən ideal səhər yeməyiniz hazırdır.

Bu 3 məhsul “Ozempic” dərmanının yaratdığı effekti təbii şəkildə təmin edə bilər: iştahanı azaldır, toxluq hissi verir və arıqlama prosesini sürətləndirir.