Mayonezli salatlar – ləzzətli, amma təhlükəli seçim!

Əvvəlcə boynumuza alaq: mayonezli salatlar bir çoxumuz üçün süfrənin ulduzudur. “Olivye”, “paytaxt” və ya toyuqlu mayonezli salatlar həm bayramlarda, həm də gündəlik yeməklərdə çox sevilir. Amma bu dadlı yeməyin arxasında bəzi təhlükələr gizlənir.

🌡️ Tez xarab olur

Mayonez yüksək yağ tərkibli və tez xarab olan məhsuldur. Əgər salat otaq temperaturunda uzun müddət saxlanarsa, bakterioloji çirklənmə riski artır. Bu isə qida zəhərlənməsinə səbəb ola bilər.

🥵 Yay aylarında xüsusilə təhlükəli

İsti havada soyuducudan kənarda qalan mayonezli salat 1-2 saata belə zəhərləyici hala düşə bilər. Xüsusən pikniklərdə, açıq havada verilən süfrələrdə bu risk daha da böyüyür.

🧬 Zəif immunitet üçün riskli

Uşaqlar, yaşlılar və hamilə qadınlar üçün mayonezli salatlar daha təhlükəlidir. Salmonella və digər bakteriyalar zəif immun sistemi olan insanlarda ciddi fəsadlar yarada bilər.

❗ Ev mayonezi daha da risklidir

Bəziləri evdə mayonez hazırlayır – yumurta ilə. Termik emal keçməyən çiy yumurta bakteriya risqini daha da artırır. Ona görə də ev mayonezi ilə hazırlanmış salatlar daha çox diqqət tələb edir.

Nə etməli?

Mayonezli salat hazırlayarkən təzə məhsullardan istifadə et.

Hazırlandıqdan dərhal sonra soyuducuya qoy.

Ən çox 1 gün saxla.

Açıq havada verilirsə – salat üçün soyuq şərait təmin et.

Alternativ olaraq qatıq və ya zeytun yağı əsaslı souslara üstünlük ver!