Parasetamol kişilərin reproduktiv sağlamlığına təhlükəlidirmi?

Son günlər “Daily Mail”də yayımlanan və parasetamolun kişi fertilitetinə (reproduktiv qabiliyyətinə) mümkün mənfi təsiri ilə bağlı məqalə geniş müzakirələrə səbəb olub. Lakin Rusiya Elmlər Akademiyasının professoru, Meçnikov adına Şimal-Qərb Tibb Universitetinin biokimya kafedrasının müdiri Vladimir Dadali bu barədə narahatlığa əsas olmadığını bildirib.

“Parasetamol adətən qısa müddətlik istifadə olunur – qızdırma və ya ağrı zamanı. Belə qısa müddətdə bu dərmanın kişi fertilitetinə təsir etmək imkanı yoxdur. Əsas risk uzunmüddətli və yüksək dozalarda qəbul zamanı yaranır,” – deyə professor Gazeta.Ruya açıqlamasında bildirib.

🔹 Kişilər üçün tövsiyə:

Professorun sözlərinə görə, kişi fertilitetini qorumaq və artırmaq üçün orqanizmdə sink, maqnezium və B qrupu vitaminlərinin səviyyəsini nəzarətdə saxlamaq vacibdir. Bu maddələr spermanın aktivliyi və hərəkətliliyi üçün mühüm rol oynayır.

🔹 Qadınlar üçün məsləhət:

Biokimyaçı həmçinin qeyd edib ki, qadınlar üçün də qısamüddətli paratsetamol istifadəsi təhlükəli deyil.

Lakin hamiləlik şansını artırmaq üçün B8 vitamini qəbul etməyi və menstrual tsiklin 12–15-ci günləri arasında olan “fertil pəncərəni” nəzərə almağı tövsiyə edib.