Kərə yağı ölüm riskini artırır - Alimlər

Kərə yağı qarnirlərdən tutmuş bişmiş məhsullara qədər hər şeyi daha dadlı edir. Lakin alimlər xəbərdarlıq edir ki, bu qaymaqlı ləzzət ürək-damar xəstəlikləri və xərçəngdən ölüm riskini artıra bilər. JAMA Internal Medicine jurnalında dərc olunan bir araşdırmaya görə, müntəzəm olaraq kərə yağı istehlak edənlərin ümumi ölüm riski 15% daha yüksək olub. Bunun əksinə olaraq, bitki yağları istehlak edənlər bu riski 16% azaldıblar. Araşdırmanın nəticələrinə görə, kolza, zeytun və soya yağlarının xüsusilə faydalı olduğu aşkar edilib.

Kərə yağı doymuş yağlarla zəngindir. Əvvəlki tədqiqatlar, kərə yağının həddindən artıq istehlakının qaraciyər, döş, yumurtalıq, bağırsaq və prostat xərçənginə meyl yaratdığını göstərmişdi. Doymuş yağlar piy toxumasında iltihaba səbəb ola bilər və hormonlara asılı xərçəng növlərində hormonal aktivliyi artırır.

Mütəxəssislər qeyd edirlər ki, gündə 10 qram kərə yağının bitki yağları ilə əvəz edilməsi ümumi ölüm və xərçəngdən ölüm riskini azaldır.