Senegalin Birinci Xanımı Türk Mətbəxində

Senegal Prezidenti Bassirou Diomaye Fayenin həyat yoldaşı Mari Xon Faye Dakar şəhərində qadın səfirlərlə birlikdə Kayseri yağlaması hazırlayıb. Bu tədbir Türk Mətbəxi Həftəsi çərçivəsində Türkiyənin Dakar Səfirliyi və Dakar Yunus Əmrə İnstitutunun (YEE) birgə təşkilatçılığı ilə keçirilib.

Səfirlikdə təşkil olunan kulinariya seminarında Mari Xon Faye, Türkiyənin Dakar səfiri Nur Sağman, Dakar YEE koordinatoru Merve Işık Efe və qadın səfirlər tanınmış aşpaz Yunus Əmrə Akkorun rəhbərliyi ilə xəmir yoğurub, Kayseri yağlaması bişiriblər. Seminarın ardınca Faye şərəfinə təşkil olunan Türk mətbəxinə məxsus yeməklərdən ibarət ziyafət süfrəsi açılıb.

Axşam yeməyində qadın səfirlərlə yanaşı, səfirlikdə çalışan qadın əməkdaşlar da iştirak ediblər. Səfir Nur Sağman Faye-ni qəbul etməkdən şərəf duyduqlarını bildirib və Türk Mətbəxi Həftəsi çərçivəsində təşkil edilən tədbirlərə görə aşpaz Akkora təşəkkür edib.

Yemək sonunda səfir Sağman, Faye-yə türk fotojurnalist Cəm Özdelin çəkdiyi bir fotoşəkili hədiyyə edib.

Yeməkdən öncə çıxış edən səfir Sağman qeyd edib ki, gastronomiyanın birləşdirici gücü var və Türk mədəniyyətində yemək yalnız qida qəbul etmək deyil, eyni zamanda ünsiyyət qurmaq və paylaşmaq anlamı daşıyır.

Ulusum.az