İsmayıllının sarı möcüzəsi: Günəbaxanlar diyarı - FOTO - VİDEO

Ulusum.az kollektivi İsmayıllının günəbaxan bağlarında unudulmaz bir gün keçirib. Təbiyyətin qoynunda keçirilən bu səyahət təkcə istirahət deyil, həm də ruhun dincəlməsi, daxili tarazlığın bərpası üçün gözəl bir fürsət olub.



Sarı dənizə bənzəyən günəbaxan tarlaları kollektivi valeh edib, hər kəs mobil telefonunu, kamerasını çıxarıb bu gözəlliyi yaddaşa köçürmək üçün yarışa girib. Günəşin nurunu özündə əks etdirən bu çiçəklər təbiətin sanki sevgi ilə boyadığı bir tablonu xatırladıb.



Səfər zamanı əməkdaşlar təbiətin səssiz dilinə qulaq asaraq, bir-biri ilə daha da yaxınlaşıb, pozitiv enerji toplayıblar. Gülüşlər, şəkillər, açıq hava, təmiz oksigen – bu gün yaddaşlara həkk olunacaq qədər xüsusi və ruh oxşayan olub.



Ulusum.az kollektivi bu səfərdən yalnız şəkillərlə deyil, həm də gözəl xatirələrlə geri dönüb.