Ölüm son deyil? – Kliniki ölüm yaşayanlar nə gördüklərini danışdılar

İngiltərənin Sauthempton Universitetindən olan alimlər ölümün həyatın sonu deyil, başqa bir mərhələnin başlanğıcı ola biləcəyini irəli sürüblər. Onlar kritik vəziyyətdə olan iki mindən çox insan üzərində apardıqları genişmiqyaslı araşdırmalarda ölüm anından sonra şüurun vəziyyətini təhlil ediblər.

Məlum olub ki, insan bədəni kliniki ölüm baş verdikdən sonra da bir neçə dəqiqə boyunca bəzi funksiyaları qoruyub saxlayır. Sonra isə, tədqiqatçılara görə, həyatla ölüm arasında “keçid mərhələsi” başlayır.

Araşdırmada iştirak edən şəxslərin təxminən 40 faizi kliniki ölümü yaşamış və sonradan baş verənləri xatırladıqlarını bildiriblər. Onlar, bədən funksiyalarının dayanmasına baxmayaraq, ətrafda baş verənləri dərk etdiklərini deyiblər.

Alimlər qeyd ediblər ki, ölüm sonrası həyatın varlığına dair hələ qəti sübut yoxdur. Amma bu istiqamətdə aparılan araşdırmalar insan şüurunun sirrini açmağa və ölüm qorxusunu azaltmağa kömək edə bilər.

Ulusum.az