Fransada "smurf rekordu": 3 min adam mavi kostyumda bir araya gəldi - FOTO

Fransanın Landerno kommunasında smurflar kostyumunda toplaşan insan sayı üzrə yeni rekord qeydə alınıb. Bu barədə France 24 məlumat yayıb.



Tədbirdə 3 076 nəfər smurf kostyumunda iştirak edib. Müqayisə üçün, Landerno əhalisi cəmi 16 min nəfərdir. Qeyd edək ki, bu uğurdan əvvəl Landerno 2019 və 2023-cü illərdə Almaniyanın Lauhringen şəhərinə məxsus rekordu keçməyə iki dəfə cəhd etsə də, nəticə alınmamışdı.



Maraqlısı odur ki, bu dəfə hətta komunanın meri Patrik Lekler də smurf kimi geyinərək aksiyaya qatılıb. O bildirib ki, bu cür tədbirlər insanları bir araya gətirərək həmrəylik yaradır.



Ulusum.az