“Məni İlon Mask sanırlar”: Lüksemburqlu müğənni əkiz bənzərliyindən narazıdır

Lüksemburqlu müğənni sosial şəbəkələrdə Tesla-nın rəhbəri İlon Maskın "əkizi" kimi məşhurlaşdı – amma özü bu bənzətmədən narazıdır. Bu barədə The Indian Express yazır.

Hüqo Van adlı sənətçi musiqisi ilə deyil, Maskla olan inanılmaz bənzərliyi ilə sosial mediada sürətlə məşhurluq qazanıb. Lakin o, bu müqayisəni nə tərif, nə də xoş hal kimi qəbul edir.

Onun sözlərinə görə, bu bənzərliklə bağlı ilk reaksiyalar hələ 2018-ci ildən başlayıb və o vaxtdan bəri bu cür hadisələr davamlı hal alıb. "Harada olmağımdan asılı olmayaraq – marketdə, kafedə və ya bir tədbirdə – mənə yaxınlaşıb deyirlər: 'Ey, sən İlon Masksan!'. Bu, ayda ən azı iki dəfə baş verir", – deyə Hüqo bildirib.

Daimi diqqətdən bezsə də, Van görünüşünü dəyişdirməyi düşünmür. Eyni zamanda, o, insanların onun Maskın baxışlarını və davranışını bölüşmədiyini anlamasının vacib olduğunu qeyd edib.

"Əgər insanlar bilsələr ki, onun fikirləri ilə heç bir əlaqəm yoxdur, bu diqqət mənə mane olmur", – deyə o əlavə edib.

✍️"Ulusum".az