Melaniya Trampın gəlinliyi böyük endirimlə satışa çıxarılıb

ABŞ-ın birinci xanımı Melaniya Trampın Donald Trampla evlənərkən geyindiyi paltar böyük endirimlə satışa çıxarılıb. Bu barədə “Page Six” məlumat yayıb.

Melaniya Trampın “Dior” moda evində işlədiyi zaman Con Qalliano tərəfindən dizayn edilmiş gəlinlik paltarının reklamı eBay-də yer alıb. Satıcı iddia edir ki, o, orijinal paltarı 2011-ci ildə toyu üçün 70.000 dollara alıb. Elanda paltarın dizaynında dəyişikliklər edildiyi bildirilir. Satıcı ona tikmə, qayış və əlavə atlaz parça əlavə etdiyini söylədi. Geyimin orijinal Swarovski kristalları ilə bəzədildiyi bildirilir. Paltarın başlanğıc qiyməti 45.000 dollardır.

Eyni zamanda, WWD nəşri insayderə istinadən yazıb ki, ABŞ-ın birinci xanımının orijinal gəlinliyi Trampların Palm-Biçdəki şəxsi kurort Mar-a-Laqodakı malikanəsindədir. Həmçinin bildirilir ki, “Dior” moda evi paltarın satışı ilə bağlı xəbərləri şərh etməkdən imtina edib.