Avtomobili narkotikin təsiri altında idarə edən sürücü inzibati qaydada həbs edilib - VİDEO

Narkotik vasitə qəbul edib, spirtli içki içib sükan arxasına keçdi. İdarə etdiyi avtomobillə həm özünün həm də digər sürücülərin həyatlarını təhlükəyə atacaqdı. Vaxtında görülən tədbirlər xəsarətsiz ötüşüb. Ulusum.az-ın məlumatına görə, hadisə Astara rayonunda baş verib. Belə ki, Elməddin Əbilov idarə etdiyi "Fiat" markalı avtomobillə hərəkətdə olarkən təhlükəsizlik kəmərindən istifadə etmədiyi üçün Astara Rayon Polis Şöbəsinin yol patrul xidmətinin əməkdaşları tərəfindən saxlanılıb. Onun nəqliyyat vasitəsini sürücülük vəsiqəsi və etibarnamə olmadan idarə etdiyi müəyyən edilib. Bundan əlavə, həmin şəxsin həm spirtli içkidən həm də narkotik vasitədən istifadə etdiyi məlum olub. Barəsində toplanmış material baxılması üçün rayon məhkəməsinə göndərilib. Məhkəmənin qərarı ilə Elməddin Əbilov 15 gün müddətində inzibati qaydada həbs edilib.


Eltun Məmmədov