Laçın və İrpen şəhərlərinin qardaşlaşması Azərbaycan-Ukrayna regional əməkdaşlığında yeni mərhələ

Azərbaycanın Laçın və Ukraynanın İrpen şəhərlərinin qardaşlaşması, ölkələrimiz arasında regionlararası əməkdaşlığın güclənməsinin əlamətdar nümunəsidir. Bu barədə Azərbaycanın xarici işlər naziri Ceyhun Bayramov, mayın 25-də Ukraynanın xarici işlər naziri Andrey Sibiqa ilə birgə mətbuat konfransında bildirib.

Qardaşlaşma haqqında memorandum 2024-cü ilin sentyabrında Laçında imzalanıb. Sənədə əsasən, tərəflər mədəniyyət, təhsil, şəhərsalma, ətraf mühitin mühafizəsi, enerji səmərəliliyi və digər sahələrdə əməkdaşlıq edəcəklər.

İrpen şəhərinin meri Oleksandr Markuşin, Laçına səfəri zamanı Azərbaycanın Ukraynaya göstərdiyi humanitar yardımı və İrpendəki infrastrukturun bərpasına verdiyi dəstəyi yüksək qiymətləndirib. O, həmçinin İrpendə Laçınla dostluğu simvolizə edən xatirə lövhəsinin qoyulacağını bildirib.

Bu təşəbbüs, Azərbaycan və Ukrayna arasında dostluq və əməkdaşlığın daha da dərinləşməsinə xidmət edir.

Ulusum.az