Belarusda oksigen balonunun partlaması nəticəsində ata və iki uşaq həlak olub

“Ulusum”.az xəbər verir ki, Belarusun İstintaq Komitəsinin rəsmi Telegram kanalında verdiyi məlumata görə, Qomel vilayətində baş verən partlayış nəticəsində bir kişi və onun iki azyaşlı övladı həlak olub. İlkin ehtimallara görə, oksigen balonu partlayıb.

Faciə Jlobin rayonunun Luqovoy Virne kəndində, fərdi yaşayış evinin həyətində baş verib. Zərərçəkmiş ailədə dörd uşaq böyüyürdü. Onlardan biri hadisə anında Jlobində olub.

Nəticədə 35 yaşlı kişi və onun bir və üç yaşlı iki azyaşlı övladı dünyasını dəyişib. Onun həyat yoldaşı və altı yaşlı oğlu isə ağır vəziyyətdə xəstəxanaya yerləşdirilib. İstintaq Komitəsi hadisə ilə bağlı araşdırmalara başlayıb.

Səidə