İranda ard-arda 11-ə yaxın zəlzələ olub

İranda ard-arda 11-ə yaxın zəlzələ olub.

ISNA xəbər verir ki, bu gün səhər saatlarından Xuzistan əyalətinin şəhərlərində ard-arda 10 dəfə zəlzələ baş verib.

Məlumata görə, ilk və ən güclü zəlzələ sözügedən əyalətin Həftkel şəhərində 07:32-də 5,6 bal gücündə olub, daha sonra şəhərdə 3,2 və 3,5 bal gücündə zəlzələlər meydana gəlib. Süleyman Məscid şəhərində isə 07:53-də 4,8 bal gücündə qeydə alınan zəlzələdən sonra 3,2 və 3,3 ballarda, 09:08-də isə 5,2 bal gücündə zəlzələ olub.

Əyalətin daha iki şəhərində - İzə və Qala Tolda uyğun olaraq, 2,5, 2,8 və 3,3 bal gücündə zəlzələlər baş verib.

Eltun Məmmədov