BMT-nin Livandakı müvəqqəti qüvvələrinin iki əsgəri İsraili hücumu nəticəsində yaralanıb

BMT-nin Livandakı müvəqqəti qüvvələrinin iki əsgəri İsrail ordusunun zərbələri nəticəsində yaralanıb. Bu barədə Reuters xəbər yayıb.

BMT nümayəndəsinin sözlərinə görə, Unifil missiyasının qərargahı atəşə tutulub, nəticədə sülhməramlı missiyanın iki əsgəri yaralanıb. İsrail ordusuna məxsus tankın birbaşa BMT-nin müşahidə məntəqəsini vurduğu iddia edilir.

BMT qüvvələrinin bəyanatına görə, Naqourada (Livanın cənubu) qərargahdakı müşahidə qülləsinə mərmi düşüb və nəticədə iki sülhməramlı yüksəklikdən yerə yıxılıb.

"Xoşbəxtlikdən, bu dəfə xəsarətlər ciddi deyil, lakin onlar xəstəxanada qalırlar" deyə BMT-dən bildirilib.

Məlumatda həmçinin qeyd olunub ki, İsrail ordusu BMT bazasını atəşə tutub, əsgərlərin yerləşdiyi bunkerə zərbələr endirib. Hücum zamanı nəqliyyat vasitələri və rabitə sistemləri zədələnib.

Eltun Məmmədov