Lənkəranda baş verən qəzada 4 nəfər xəsarət alıb - FOTOLAR

Xəsarət alanlardan biri reanimasıya şöbəsinə yerləşdirilib.

Məlumata görə bu gün günorta saatlarında Lənkəran rayonunun Liman şəhərində baş verən qəzada 4 nəfər xəsarət alıb. Xəsarət alanlar Masallı rayon Gəyəçöl kənd sakinləri 2003 - cü il təvəllüdlü Məmmədəli Bahadır oğlu Nəsirov, 1984 - cü il təvəllüdlü Aslan Məhərrəm oğlu Abdullayev, 1995 - ci il təvəllüdlü Elton İdrak oğlu Nəsirov və Lənkəran şəhər sakini 1982 - ci il təvəllüdlü Emin Əlişan oğlu Şükürov müxtəlif dərəcəli bədən xəsarətləri alaraq Lənkəran rayon mərkəzi xəstəxanasına çatdırılıblar. Məmmədəli Nəsirov qapalı kəllə-beyin travması diaqnozu ilə xəstəxananın reanimasiya şöbəsinə yerləşdirilib. Digər xəsarət alanların müalicələri xəstəxanada davam etdirilir.

Eltun Məmmədov