Berlin polisi yoldan keçənlərə hücum edən şəxsi güllələyib

Berlin metrosunda naməlum şəxs kişiyə bıçaqla hücum edib - o, aldığı xəsarətlərdən yerindəcə dünyasını dəyişib.

“Ulusum”.az xəbər verir ki, bu barədə yerli polisin mətbuat xidməti sosial şəbəkədə məlumat yayıb.

İstintaqın məlumatına görə, cinayətkar həbs zamanı hüquq-mühafizə orqanlarının əməkdaşlarını bıçaqla hədələdiyi üçün qaçmağa cəhd edib və bir neçə güllə yarası alıb. Hazırda şübhəlinin vəziyyəti ağır olaraq xəstəxanadadır.

Bu gün günorta saatlarında metronun Sofi-Şarlotta-Plats stansiyasında ağır cinayət hadisəsi törədilib. Burada bir nəfərə bıçaqlı silahla hücum edilib və hadisə onun ölümü ilə başa çatıb, idarənin açıqlamasında bildirilir.

Şübhəlinin şəxsiyyəti hələlik müəyyən edilməyib. Onun hərəkətlərinin motivləri də məlum deyil. İstintaq adam öldürmə maddəsi ilə aparılır. Metro xəttinin hücumun baş verdiyi hissəsində qatarların hərəkəti müvəqqəti olaraq dayandırılıb.