Blinken Səudiyyə Ərəbistanına SƏFƏR EDƏCƏK - EKSKLÜZİV

ABŞ-ın Dövlət katibi Antoni Blinken regional tərəfdaşlarla görüşmək məqsədilə aprelin 29-30-da Səudiyyə Ərəbistanına səfər edəcək.

ULUSUM.az saytının ABŞ Bürosunun məlumatına əsasən, Dövlət katibi Qəzzada girovların azad edilməsini təmin edən atəşkəsə nail olmaq yollarını və İsrail-Fələstin münaqişəsini müzakirə edəcək.
Blinkenin Qəzzaya göndərilən humanitar yardımın artırılacağını və bu artımın davamlı olmasını təmin etməyin vacibliyini diqqətə çatdıracağı bildirilir.

Katib münaqişənin geniş miqyasa yayılmasının qarşısının alınmasını və İsrail üçün təhlükəsizlik zəmanəti ilə müstəqil Fələstin dövlətinə aparan yol da daxil olmaqla, regionda davamlı sülh və təhlükəsizliyə nail olmaq üçün səyləri davam etdirməyin önəmini çatdıracaq.

Qeyd edək ki, Blinken Səudiyyə Ərəbistanında keçirilən Dünya İqtisadi Forumunun “Qlobal əməkdaşlıq, artım və enerji inkişafı” tədbirində iştirak edəcək.

Münəvvər Vahabova