“Həm ziyarət, həm ticarət” EKSKURSİYASI - TOVUZDA EKSKLÜZİV - FOTO

ULUSUM.az saytı xəbər verir ki, Tovuz rayonu Hacıhəsənli kənd Y. Alıyev adına tam orta məktəbin bir qrup şagirdin rayon ərazisində yerləşən təxminən 10 min il yaşı olan Göytəpə qədim yaşayış məskəninə ekskursiyası təşkil olunub.
Tədris İşləri üzrə direktor müavini, tarix müəllimi Elçin Rzayevin təşəbbüsü və təşkilatçılığı ilə baş tutan ekskursiya zamanı qədim yaşayış məskəni ilə yaxından tanış olan şagirdlər tarixə "səyahət"ediblər.

Məktəblilər həmçinin, burada yaşayış məskəni və ətrafının zibil tullantılarını təmizləyib, "Tariximiz bu günümüz, sabahımızdır" - mesajını ötürüblər.

Qeyd edək ki, Prezidenti İlham Əliyevin müvafiq sərəncamına əsasən, 2024-cü il - ölkəmizdə “Yaşıl dünya naminə həmrəylik ili” elan olunub.

PS: Nəzərə alsaq ki, təbiət oyanır və hava şəraiti normallaşır, uşaqların mental inkişafı, dünya görüşünün zənginləşməsi məqsədilə bu cür ekskursiyaların bütün respublika məktəblərində genişləndirilməsi vacibdir. Elm və Təhsil Nazirliyi tərəfindən bununla bağlı əsaslı işlər görüləcəyinə ümid edirik...

Aymirə Ağamirova