Qara Qarağatın immunitet gücləndirici xüsusiyyətləri: Tədqiqatlar və nəticələr

Ancaq bir mövsümdə yetişən meyvə-tərəvəzləri çox qəbul etmək lazımdır. Çünki təbiətin bizə dörd mövsümdə yalnız 1-2 ay yetişən meyvə-tərəvəzləri bəxş etməsi əbəs yerə deyil. Qarağat, moruq, gilas, gilənar, yemişan, qovun, qarpız, tərxun və s meyvə-tərəvəzlər həm əsl antioksidant mənbəyi, həm də immunitet bazası olmaqla bərabər, orqanizm üçün inanılmaz faydaları olan bitkilərdir.

Ulusum.az yay mövsümünün məxsusi meyvə-tərəvəzlərinin sizə faydalı yönlərini araşdırıb təqdim edir. Bu məqalədə də sizə qara qarağatın insan orqanizmi üçün əvəzolunmaz müalicəvi komponentlər xəzinəsi olduğunu isbat edəcəyik.

Qara qarağatın tərkibində B5, B6, B1, B2, A, K, PP, E, H, C vitaminləri var, eləcə də aşağıdakı mikroelementlərdən ibarətdir;
-Yod;
-Ftor;
-Dəmir;
-Mis;
-Sink və digərləri.

Qara qarağatın tərkibində həmdə bir çox makroelementlər var: maqnium və kalium, fosfor və kalsium, natrium, silikon və digər elementlər. Bu bitkinin hətta yarpaqları da C vitamini ilə zəngindir. Ona görə yarpağını dəmləyib çay əvəzi qəbul etmək bədəndə yara sağaldıcı, orqanizmi regenerasiyaedici təsir göstərir.

Qara qarağatın faydaları:
-Dezinfeksiya edici və iltihab əleyhinə təsir göstərir;
-Qara ciyəri təmizləyir;
-Angina zamanı bu giləmeyvənin şirəsi ilə qarqara etmək boğazı dezinfeksiya edir;
-Qara qarağatın tərkibindəki dəmir hemoqlabini yüksəldir;
-Keçirilən əməliyyatlardan sonra qara qarağat şirəsi faydalıdır;
-Ftor və kalsium dişlərin vəziyyətinə müsbət təsir edir;
-Güclü öskürək zamanı qara qarağat şirəsinə bal əlavə edib içməklə öksürəyi azaltmaq olar;
-Limfa nodu xəstəliyindən əziyyət çəkən insanlara qara qarağat məsləhət görülür.

Qara qarağatdan normal miqdarda qəbul etmək təhlükəsizdir. Normadan artıq miqdarda qəbul etmək isə əks təsirə səbəb olur. Bu zaman orqanizmdə aşağıdakı problemlər yaranır:
-Bağırsaq qazı;
-İshal;
-Diareya.

Qara qarağat qanın laxtalanma prosesinə təsir edir. Qan laxtalanmasında problem olan şəxslərə qara qarağat yemək məsləhət görülmür. Həddən artıq qara qarağat qəbul etmək qan təzyiqini aşağı sala bilər. Qara qarağat aşağı qan təzyiqi, yəni hipotoniklərə qadağandır.
Qara qarağatın faydası saymaqla bitməz. Amma onu qədərində qəbul etmək lazımdır. Bu zaman orqanizmə ziyan vurmur, əksinə, zaman keçdikcə sağlamlığı möhkəmləndirir.
Unutmayaq ki, güclü immunitet orqanizmin qalxanıdır. Gənc qalmaq, parlaq, qırışıqsız dəriyə sahib olmaq üçün daxili orqanların sağlamlığı və qan-damar sisteminin təmizliyi və fəaliyyəti çox önəmlidir. Bu isə düzgün qidalanma, xüsusən də bol vitamin, mineral qəbuluna bağlıdır.
P.S. Bol su içməyi, stresdən yan keçməyi, sevməyi unutmayın!

Rübabə SAHİB