Sevdiklərinizlə xoş vaxt keçirin, bu sizin...

Beyin sağlamlığı birbaşa insanın münasibətlərinə və sosial həyatına təsir edir. Beynimizin stimuldan asılı bir orqan olduğunu bildirən mütəxəssislərin fikrincə, güclü stress və pozulmuş münasibətlər beyinə mənfi təsir göstərir. Beyin sağlamlığını qorumaq üçün tənhalıq və təcriddən qaçınılması lazım olduğunu vurğulayan mütəxəssislər, ailə və ətraf mühitlə vaxt keçirməyin nevroloji və psixiatrik xəstəliklərdən qoruyan faktor olduğuna diqqət çəkirlər. Texnologiya ilə həyatımıza daxil olan sosial mediaya toxunan mütəxəssislər “Virtual sosial təmas heç vaxt real sosial əlaqəni əvəz edə bilməz” xəbərdarlığını edir.

Ulusum.az xəbər verir ki, Nevrologiya Mütəxəssisi Dos. Dr. Barış Metin beyin sağlamlığı ilə sosial həyat arasında çox əhəmiyyətli bir əlaqə olduğunu söylədi.

Beyin sağlamlığı birbaşa sosial həyata təsir edir

Beyin sağlamlığının sosial həyatı birbaşa təsir edən bir faktor olduğunu ifadə edən Dos. Dr. Barış Metin deyib:

“Bir çox xəstəlik hadisəsində ictimai həyatın pisləşməsindən bu əlaqənin doğru olduğunu anlaya bilərik. Tez-tez rastlaşdığımız beyin xəstəlikləri psixoloji və nevroloji olaraq bölünə bilər. Həm psixoloji, həm də nevroloji pozğunluqlar sosial həyata mənfi təsir göstərə bilər. Psixoloji pozğunluqlara misal gətirsək, uzun müddət öhdəsindən gələ biləcəyimizdən daha çox stressə məruz qalmaq insanı həssas, kövrək və qəzəbli edə bilər. Bu halda ailə və ictimai həyatda münasibətləri poza bilər. Nevroloji xəstəliklər də sosial həyatı poza bilər. Bir çox nevroloji pozğunluqlarda diqqət, konsentrasiya və yaddaş kimi koqnitiv qabiliyyətlər zəifləyir. Alzheimer xəstəliyi kimi demanslar yaddaşı pozur, xəstənin ailəsi və ətrafı ilə ünsiyyət qurma qabiliyyətini zəiflədir. Nəticədə xəstələr sosial təcrid, yəni çəkilmə yaşayırlar. "Sosial təcrid və tənhalıq demensiyanın şiddətini daha da artırır və pis bir dairə yaradır."

Aymirə Ağamirova