Uşaqlarda Vitamin D çatışmazlığı

Uşaqlarda D vitamini çatışmazlığı çox vacib məsələdir. Bu çatışmazlıq sümük sağlamlığına və ümumi sağlamlığa mənfi təsir göstərə bilər.

D vitamini uşaqlarda böyümə və sümüklərin inkişafı üçün çox vacibdir, həmçinin immun sisteminin düzgün işləməsinə təkan verir. Bununla belə, D vitamininin həddindən artıq qəbulu da zərərli ola və zəhərlənməyə səbəb ola bilər.

Uşaqlarda D vitamini uyğunsuzluğu qida və dərman vasitələri, xüsusilə də əlavələr nəticəsində yarana bilər. Buna görə də uşağınız üçün D vitamini istifadə etməzdən əvvəl həkimə müraciət etmək vacibdir.

Pediatr Rasimə Əliyeva Ulusum.az-a baçıqlamasında bildirib ki, Vitamin D kalsium-fosfor metabolizminin tənzimlənməsində, sinir və ürək damar sisteminin funksiyasının qorunmasında vacib rol oynayır:

"Müasir tibbdə immun gücləndirici, iltihab əleyhinə və antioksidant təsirləri mövcuddur. Vitamin D səviyyəsinin normal dəyərlər aralığında olan şəxslərdə respirator infeksiyalara yoluxma nisbəti azdır. Uzun müddət kifayət qədər Vitamin D qəbul edilmədikdə, kalsium və fosforun bağırsaqlardan sorulması səviyyəsi aşağı düşür, nəticədə isə yetkin şəxslərdə sümüklərin yumşalması, uşaqlarda isə raxitliyin formalaşmasına gətirib çıxarır",- deyə pediatr qeyd edib.

Həkimin sözlərinə əsasən, bu patologiyalar sümüklərin tez-tez qırılması, sümüklərin deformasiyası və ağrılar ilə təzahür edir.

Kalsium və fosfor çatışmazlığı nəticəsində əzələ zəifləməsi, narahatçılıq, ürəkdə aritmiya kimi simptomlara da rast gəlinir.

Əgər uşağınızın D vitamini səviyyəsi aşağıdırsa, həkiminiz müvafiq əlavə tövsiyə edə bilər.

Vitamin D çatışmazlığının əlamətləri

- Osteomalyasiya adlanan yetkinlik dövründə yaranan sümük xəstəliyi
- Sümük və əzələ ağrıları,sümüklərin tez qırılması
- Körpələrdə və uşaqlarda əzələlərdə zəiflikvə sümük deformasiyasına səbəb olan raxitlik
- Sümük metabolizminin inkişaf etməməsi
- İmmunitetin yaxşı işləməməsi nəticəsində xəstəliklərlə mübarizənin zəifləməsi
- Artıq çəkililik
- Yuxu pozğunluqları
- Alzeimer xəstəliyinə səbəb yaradır
- Günün bütün saatlarında xroniki yorğunluq.
- Kifayət qədər günəşlənməmə və təbii qidalarda az miqdarda Vitamin D olması vitamin D əksikliyinin yaranmasına səbəb olur.

Lakin həddindən artıq Vitamin D qəbulu azı Vitamin çatışmazlığı qədər ziyanlıdır. Odur ki, istənilən halda həkim tövsiyəsi mütləqdir.

Aymirə Ağamirova