Ailədaxili zorakılıq artır: Nə etməliyik?

Son dövrlərdə ölkədə ailədaxili cinayətlər artıb.

Son zamanlar Azərbaycanda ailədaxili cinayətlərdə artım müşahidə olunur. Ölkənin müxtəlif bölgələrində baş verən bu hadisələr cəmiyyətin narahatlığına səbəb olub. Bu cür xoşagəlməz hallar nəinki uşaqların gözü qarşısında baş verir, hətta azyaşlıların da bu hadisələrin qurbanı olması məsələnin nə dərəcədə ciddiliyindən xəbər verir.

Ulusum.az-ın məlumatına əsasən, hüquq-mühafizə orqanlarının verdiyi məlumata görə, ailədaxili zorakılıq halları keçən illərə nisbətən daha da artıb və bu, ciddi sosial problemlərə yol açır.

Mütəxəssislər ailədaxili cinayətlərin artmasının əsas səbəblərini iqtisadi çətinliklər, psixoloji problemlər və ailədaxili münaqişələrdə görürlər. Xüsusilə, pandemiya dövründə artan stress və gərginlik ailədaxili münasibətlərə mənfi təsir göstərib. Qadınlar və uşaqlar bu zorakılıq hallarının əsas qurbanları olaraq qalır.

Problemin həlli üçün dövlət və qeyri-hökumət təşkilatları birgə çalışmalı, zərərçəkmişlərə dəstək proqramları genişləndirilməlidir. Ailədaxili zorakılığın qarşısının alınması üçün cəmiyyətin maarifləndirilməsi və hüquqi tədbirlərin gücləndirilməsi vacibdir.

Ailədaxili cinayətlərə qarşı mübarizədə hər bir fərdin rolu böyükdür. Hər kəs bu halların qarşısını almaq üçün məsuliyyət daşımalıdır. Zorakılıq halları ilə qarşılaşan insanlar dərhal hüquq-mühafizə orqanlarına müraciət etməli və lazımi dəstəyi almalıdırlar.
Aymirə Ağamirova