Kürdəmirdə avtomobil aşdı, XƏSARƏT ALAN VAR - VİDEO EKSKLÜZİV

Kürdəmirdə avtomobil aşıb, xəsarət alan var.
Ulusum.az-ın məlumatına görə, hadisə rayonun Xırdapay kəndində qeydə alınıb.

Belə ki, “Mercedes” markalı avtomaşının sürücüsü həmin kənd yolunda hərəkətdə olarkən qəfildən  idarəetməni itirib.

Nəticədə avtomobil yoldan çıxaraq aşıb. Qəza zamanı avtomobil yararsız vəziyyətə düşüb və avtomobildə olan rayonun Yenikənd kənd sakini 1996-cı il təvəllüdlü Məmmədov Ziyad İlqar oğlu müxtəlif dərəcəli bədən xəsarətləri alıb.

Yaralı dərhal təcili tibbi yardım maşınının köməyi ilə Kürdəmir rayon Mərkəzi Xəstəxanasına aparılıb və həkim nəzarətinə götürülüb.

Hazırda fakt araşdırılır.
Eltun Məmmədov