Ağstafada ölümlə nəticələn ağır QƏZA - VİDEO FOTO

Ağstafada ölümlə nəticələn ağır yol-nəqliyyat hadisəsi baş verib.

Hadisə rayonun Köçəsgər kəndində qeydə alınıb.
ULUSUM.az saytının məlumatına əsasən, hərəkətdə olan VAZ-21099 markalı minik maşını ağaca, daha sonra qaz borusuna çırpılıb.
Qəza nəticəsində avtomobildə olan 20 yaşlı Kamal Mikayılov, 22 yaşlı
Niyaməddin Hüseynov və 21 yaşlı Sənan Hüseynov müxtəlif dərəcəli
bədən xəsarətləri ilə Ağstafa rayon Mərkəzi Xəstəxanasına yerləşdiriliblər.
Goranboy rayon sakini 19 yaşlı Murad Məmmədov isə aldığı
xəsarətlərdən hadisə yerində ölüb.
İlkin məlumata görə, avtomobildə
olanların hamısı Bakı Dövlət Univeristetinin Qazax filialının tələbələri olub.
Hadisəyə səbəb yüksək sürət və idarəetməni itirmə
olub. Faktla bağlı araşdırma aparılır.