Ukraynada vurulmuş NATO tankları və zirehli maşınları MOSKVADA EKSKLÜZİV

Moskvanın mərkəzində Ukraynada vurulmuş NATO ölkələrinin tankları və zirehli maşınları sərgilənir.

Bu barədə ULUSUM.az saytına politoloq Elxan Şahinoğlu məlumat verib.

O bildirib ki, Kreml bu sərgi vasitəsilə vətəndaşlarına təlqin edir ki, Rusiya Ukrayna ilə yanaşı bütövlükdə NATO ilə savaşır və qələbəni əldə etmək ona görə asan deyil.

"Oxşar sərgi 2 il əvvəl Kiyevdə təşkil edlimişdi. Həmin sərgidə Kiyevə ətrafında vurulan Rusiya tankları və zirehli maşınları göstərilirdi. İndi Rusiya hakimiyyəti Moskvada sərgi keçirməklə Kiyevdəki sərgiyə cavab verdiyini düşünür", -deyə politoloq qeyd edib.

Elxan Şahinoğlunun sözlərinə görə, Bakıda Hərbi Qənimətlər Parkında sərgilənən tank və hərbi texnikanın mütləq əksəriyyəti keçmiş SSRİ və Rusiya istehsalıdır. Önəmli olan sərgi deyil, qələbədir. Azərbaycan qələbəni təmin etdi və ələ keçirilən hərbi texnikanı sərgiyə çıxartdı. Rusiya-Ukrayna müharibəsi isə hələ bitməyib, qalib hələ bəlli deyil. Ona görə də Kiyev və ya Moskvadakı sərgilər müharibədə qələbəyə işarə deyil.

Aymirə Ağamirova