ABŞ tələbələri üçün həmrəylik NÜMAYİŞİ - QƏZZADA EKSKLÜZİV FOTO

İsrailin Qəzza zolağına hücumları 208 gündür davam etdiyi bir vaxtda, ABŞ-da bir çox universitet tələbəsi Fələstinə dəstək nümayiş etdirməkdədir.
Bu gün də Qəzza zolağında Fələstinə dəstək nümayiş etdirən tələbələr üçün həmrəylik nümayişi keçirilib.

ULUSUM.az saytı xəbər verir ki, Qəzza zolağının Deyr Əl-Bələh şəhərində Əl Əqsa Şəhidləri Xəstəxanasının həyətində keçirilən aksiyaya həkimlər, fəallar və köçkün uşaqlar qatılıb.

Nümayiş zamanı “Bizim işimizə dəstək olan bütün tələbələrə təşəkkür edirəm”, “Fələstin azadların davasıdır” və “Hər kəsə Qəzzadan təşəkkürlər” yazılı şüarlar səsləndirilib.

Əl-Əqsa Şəhidləri Xəstəxanasının sözçüsü Dr. Xəlil Əl-Dəkran çıxışında deyib: "ABŞ və Avropada universitet tələbələrinin etdikləri Fələstin xalqına qarşı ədalətsizliyi və soyqırımı aradan qaldırmağı hədəfləyən mənəvi və humanitar inqilabdır. Ayağa qalxan bütün universitetlərdə tələbələrə təşəkkür edirik"


Aksiyaçılar həmçinin çıxzışlarında bu nümayişlərin dünyanın bütün universitetlərinə yayılaraq İsrailin Fələstin xalqına qarşı təcavüzünün dayandırılmasında daha güclü təsir edəcəyinə ümid etdiklərini vurğulayıblar.
[center][/center]

Aymirə Ağamirova